شركة Adobe عملت اول اصدار للـIllustrator سنة 1987 وده معناه انه بقاله اكتر من 28 سنة بيتطور وبيتعدل عشان يناسب احتياجات المصممين.

في المقابل شركة Seirf حاليا طلعت اول اصدار تجريبي للـAffinity designer بتشتغل على الويندوز بعد ماكان البرنامج بيشتغل على الماك فقط.الكلام ده في 6/2016 يعني بقاله حوالي 5 شهور دلوقتي.

ورغم حداثة اصدار الـ Affinity الا انه كان ذكي جدا انه يستخرج عيوب الـIllustrator ويخلق لها مميزات عنده. وبكدة هيضمن ان الكثير من المصممين هيتعاملوا معاه رغم انه لسة جديد.

في المقال دي هنعرض الفروق اللي بين الـAffinity والـIllustrator  وايه هي الحاجات اللي اتميز بيها الـAffinity .

 

  • واجهة البرنامج Interface

واجهة برنامج الـIllustrator معروفة بالنسبة للمصممين اللى بيتعاملوا مع برامج Adobe المختلفة زى الـPhotoshop.

اما واجهة برنامج الـAffinity فى الشكل العام زي  برامج Adobe لكن فيه اختلاف فى توزيع الاوامر وشكل الايقونات وحجمها لسهولة الوصول اليه.

 

  • شبكات التصميم Grids

برنامج الـIllustrator  يوجد به نوع واحد فقط من الـ Grids او يقوم المصمم برسم الـGrids الخاصة به لكن

يتميز برنامج الـAffinity designer بتنوع اشكال الـGrids المختلفة وامكانية التعديل عليها بسهولة و التى تساعد المصمم على الرسم بحرية.

  • الـ Snapping

رغم ان الأصدار الاخير من الIllustrator فيه تطور ملحوظ  لـOption الـSnapping بالنسبة  للأصدارات اللي قبله الا انه مقدرش يتفوق على برنامج الـAffinity و ده بسبب انه  اتاح للمصمم عمل snap للـ(Grid ,Guids,Points) بشكل قوى ودقيق وبطريقة سريعة .

  • الـ Vector and Pixel

اوامر التعامل مع البكسل في برنامج  الـIllustrator ضعيفة جدا وبيعتمد فى الجزء ده على الـPhotoshop  لكن بيتميز برنامج الـAffinity انه بيتعامل مع الفيكتور والبكسل فى برنامج واحد وده من الحاجات القوية اللى بتسهل الشغل وبتوفر فى الوقت وبتدينا تجربة جديده  .

 

  • حجم النقطة Point size

يتميز برنامج الـAffinity بحجم النقطه الكبير لسهولة تعديل ال path لكن برنامج الـIllustrator حجم النقطة صغير فبيكون تعديل ال path صعب نسبيا .

  • الـ Layers

فى برنامج الـIllustrator في صعوبة في التعامل مع الـ Layers, لكن برنامج الـAffinity التعامل مع

الـlayers  الخاص بيه من ترتيب وتنظيم سهل وبسيط جدا وكمان حجم الطبقة الواحده كبير بيساعد على الوصول للطبقة بسهولة.

  • الاشكال Special Shape

يتميز برنامج الـAffinity بتنوع ادوات الاشكال الجاهزة مع امكانية التعديل عليها فى اى وقت لكن برنامج

الـIllustrator ادوات الاشكال الجاهزة محدودة جدا وامكانية التعديل عليها محدوده ايضا

  • طريقة الدفع

طريقة الدفع او السعر من اهم الحاجات اللي بتفرق معانا في قرار الاستخدام ,,ميزة الـAffinity انه برنامج مالوش اشتراك شهري  بتشتريه وبيكون معاك على طول عكس الـIllustrator اللي  بتكون ملزم بشكل شهري انك تدفع 19$ لو كان برنامج كان لوحده اما لو كان معاه برنامج تاني من  Adobe بتدفع 50 دولار كل شهر.

ولان سعر الـ Affinity كله ب50 دولار فهو مناسب للمشاريع والنشاطات الصغيرة.

 

رغم كل المميزات دي الا ان الأليستراتور متقدم عن الافنيتي في نقطتين زي

 

  • اوامر الـCompound Path

اي جرافيك ديزاينر عارف ان اهمية الـCompound path   كأمر فى طرح الاشكال او دمجها مع بعض

بيتميز برنامج الـIllustrator باوامر الـCompound path  المختلفه مثل الـ Pathfinder او اداة

الـShape builder لكن برنامج الافنتى الاوامر دي محدوده .

  • التلوين Painting

تلوين الاشكال فى برنامج الـIllustrator افضل واسهل من برنامج الـAffinity لكن التعامل مع الـgradient افضل فى برنامج الـAffinity من برنامج الـIllustrator.

 

الخلاصة :

رغم ان برنامج الـAffinity بالاصدار التجريبي  اللي عمله  متفوق على الـIllustrator في سهولة التعامل في جوانب إلا  انه لسة موصلش لقوة الـIllustrator, لكن كون انه اصدار حديث يتقارن ببرنامج عملاق زي الـIllustrator دي نقطة تحسب له, ولو استمر بالمستوى ده نتوقع انه هيكون أداة للمصممين لايمكن الاستغناء عنها ,,

لكن مازال برده عندنا شكوك في امكانية انه يكون بديل قوي ولا لأ.

سجل معانا دلوقتي في الكورس المجاني اللي بيشرح   برنامج الـAffinity designer  وإزاي تتعامل معاه على اللينك ده

(http://bit.ly/Affinitydesignercourse)

وبعد كدة قولنا  اذا كان ممكن انه يحل محل الـIllustrator ولا صعب يوصل للمستوى ده؟!